12 Reynsluspor GA…

Batastefna GA – samtakanna er grundvöllurinn sem gerir félögunum kleift að byggja líf sitt upp aftur. Batastefnan er áætlun um betra líf, lögð fram í tólf sporum.

1. Við viðurkenndum vanmátt okkar gagnvart fjárhættuspili og að okkur var orðið um megn að stjórna eigin lífi.
2. Við fórum að trúa því að máttur, sem er okkur æðri, gæti komið okkur til að hugsa og lifa eðlilega á ný.
3. Við tókum þá ákvörðun að láta vilja okkar og líf lúta handleiðslu þessa æðri máttar eins og við skildum hann.
4. Við gerðum óttalaus, siðferðisleg og fjárhagsleg reikningsskil í lífi okkar.
5. Við viðurkendum fyrir sjálfum okkur og annarri manneskju nákvæmlega í hverju yfirsjónir okkar fólust.
6. Við vorum þess albúin að losna við þessa skapgerðarbresti okkar.
7. Við báðum GUÐ (eins og við skildum hann) í auðmýkt að losa okkur við brestina.
8. Við skráðum misgjörðir okkar gegn náunganum og vorum fús til að bæta fyrir þær allar.
9. Við bættum fyrir brot okkar milliliðalaust, svo framarlega sem það særði engan.
10. Við iðkuðum stöðuga sjálfsrannsókn og þegar út af bar viðurkenndum við það undanbragðalaust.
11. Við leituðumst við með bæn og hugleiðslu að styrkja vitundarsamband okkar við GUÐ, samkvæmt skilningi okkar á honum, og báðum einungis um skilning á því sem okkur var fyrir bestu og mátt til að framkvæma það.
12. Þegar við höfum reynt að fylgja þessum meginreglum í lífi okkar og starfi, reyndum við að flytja þennan boðskap til annarra fjárhættuspilara.